Bydd yn rhaid ichi wneud hyn ymhen chwe wythnos o'ch dyddiad ail-gofrestr
Mae'n ddyletswydd gyfreithiol arnoch chi, chwe wythnos ar ôl eich dyddiad ail-gofrestru, i ysgrifennu at bob aelod o staff i roi gwybod iddyn nhw eich bod chi wedi eu hail-gofrestru ar eich cynllun pensiwn.
Mae'n bosib y bydd eich darparwr pensiwn yn fodlon gwneud hyn ar eich rhan neu gallwch ddiwygio'n templed llythyr enghreifftiol.
Cwblhau eich ail-ddatganiad cydymffurfio
Unwaith ichi ailgofrestru eich staff ac ysgrifennu atyn nhw, mae'n rhaid ichi gwblhau eich ail-ddatganiad cydymffurfio i roi gwybod inni sut bu ichi gyflawni eich dyletswyddau cyfreithiol.
Mae'n rhaid ichi gwblhau a chyflwyno eich ail-ddatganiad cydymffurfio ymhen pum mis ers iddi fod yn dair blynedd ers eich dyddiad ailgofrestru blaenorol.
Mae'n ddyletswydd cyfreithiol arnoch chi fel y cyflogwr i ofalu caiff yr ail-ddatganiad ei gwblhau ar amser a bod yr wybodaeth yn gywir. Os na wnewch chi hyn, mae'n bosib y cewch chi ddirwy.
Unwaith ichi gwblhau eich ail-ddatganiad cydymffurfio bydd dal angen ichi gwblhau dyletswyddau parhaus yn ymwneud â'ch staff.